der ossi fred....

ABGer1982 schrieb:
Ammd

also ossi treffe klingt guuuud.

Achja ich hab ne geheime Botschaft in der Mundart meiner Heimatstadt entdeckt. Aber seht selbst:

De Vorfiehrung

Mir kon in meiner Juchendzeit
E dulles Deng possiere.
Do woll` mich eene jonge Maid
Mit oller Mocht vorfiehre.


Ich duchte,na, wos ward sich bluß
Dehie zeschommeschiewe.
Wos wußt vun en Weibsen gruß,
geschweiche vun dor Liewe.


Kaum, doß ich holwachs tanze konn,-
Ich wor archt aus der Schule! -
Do lochte die mich freindlich on,
ich kleckte bal vum Stuhle.


Se seete:"Giehst de mit mir heem?
Ich will dor o wos sooche."
Do is moor keene Wohl gebleem,
Wos mocht mor`n in dar Looche?


Wenn mor su unschlud`ch wor un keich
Un gor kee Loster kannte,
dor Liewe ganzes Himmelreich,
dos wor bis jetz de Tante!


Mir lotschten an dor Pleiße lang,
und keener sprooch e Wartchen.
Is soch uns niemand, Gutt sei Dank,
an diesem stillen Artchen.


Do meenete meine Freindin dreist:
"Mor wull`n nar nich su hetze!
Un" , seete se, "wenn de dich freist,
mir kann uns o wink setze!"


Dor Mond dar schien, de Grille song,                            
de Fresche geichten leise.
Mir soßen uff dor Arde ong
Un guckten in de Pleiße.


Se leete ihre zorte Hand
Ganz frech uff meine Kniee.
Na, duchte ich, `ward int`ressant,
se sull s`ch bluß ongerschtiehe!


"Ach", seifzte se, "wie bin ich fruh",
un stroffte ihren Busen...
Ich seete:"Drick mich nar nich su ,
zorknietchst mor bluß de Husen!"


Wor dar ihr Harze uffgeputscht,
mei Hols word echo länger,
denn o dor Rock wor huchgerutscht
bis an de Schtrumpfenbenger.


Ich guckte onstondsholwer wag,
mei Kupp fing on ze schwitzen.
Ich ruckte uff en annern Flack
Im nich ze nah ze sitzen.


Doch schließlich word mei Kroochenknupp
O langsom schun zu enge.
Do nom dos Weibsbild mich beim Kupp,
un woll` mich gor imschlenge.


Ich hob vor Angst noch Luft gescheppt,
do soch ich vun dor Seite:
de Bluse wor o uffgekneppt,
wos soll` dos bluß bedeite...


"Ach" , sproch dos Engelsongesicht,
"jetz kann`ch dor olles schenke."
Ich seete: "Nee, ich brauche nicht,
e Bier tät`ch heechstens trenke!"


Mir wor, als wenn ich ganz nambei
`ne inn`re Stimme hierte:
Loß d`ch ja nich mit dan Weibsbild ei,
sunst bist de dor Verfiehrte.


Am besten, duchte ich for mich,
bluß fort vun diesem Orte!
Wuneechlich will dos Weibsbild dich
Am Ende noch ormorde!


Nu woll` die ihre Gusche glei
Uff meine Gusche dricke!
Ich steente:"Himmel, stieh mor bei
In meinem Missgeschicke!"


Is wor e Kompf uff Lahm un Tud
mit diesem Ungewitter.
Ich zitterte for Angst un Wut,
doch schluch mich wie e Ritter.


Ich hob gebissen un gekrotzt,
de Unschuld ze orretten.
Zahn Kneppe sin mor obgeplotzt,
un vun dor Uhr de Ketten.


Mei Husentraacher riß entzwee,
do wor`ch bal uffgeschmissen!
Un meiner Freindin, o herrjee,
wor`s naue Kleed zerrissen.


Dar schiene Onzuch wor versaut,
is Hemde futsch, dos weiße.
Un is Korsett vun meiner Braut
Schwomm ruhich in dor Pleiße.


Trutz ollem, gob`s dos Weib nich uff,
mich weiter ze verlucken.
Ich duchte, nee, hie pfeifst de druff,
hie mochst de d`ch uff de Sucken.


Ich ließ mich vun dar dummen Gans
Ganz eefach nicht beluchse.
Sie awer sproch:"Mei liewer Hans,
du bist e richt`cher Uchse!"


Ich hob`s mein Voter vergetreen,
Wos hätte kunn` geschehe!
Do hob ich eene Wucht bezeen,
die reechte glei for zwee.


Ha seete:" Junge,bist du dumm,
die Changse zu verpossen!
Wärst de doch bluß ze mir gekumm`,
hätt`st mir se iwwerlossen!"


E Jingling darf de Keichheet doch
Su leichte nich verliere.
Ich howe meine Unschuld noch,
ich loß mich nich verfiehre !

ABGer1982 schrieb:
@MK: Das war schon gemein. Aber unserer Dialekt passt besser dazu. Desweiteren zivilisierte sich die Mundart im Gegensatz zum Kölner Palaver  ,-)  

Tom66 schrieb:
So Mädels..wünsche euch allen eine gute Nacht.

Morsche früh gibts wieder nen Banänsche.    

ABGer1982 schrieb:
@MK: Das war schon gemein. Aber unserer Dialekt passt besser dazu. Desweiteren zivilisierte sich die Mundart im Gegensatz zum Kölner Palaver  ,-)  

WurstBlinker schrieb:
Noch 3 Stundn orweidn    

WurstBlinker schrieb:
So, Feieramdbier is och schon drinne